Նախագահ Հարությունյանը մասնագիտական տոնին ընդառաջ պարգևներ է հանձնել շինարարության ոլորտի մի խումբ ներկայացուցիչների

Նախագահ Հարությունյանը մասնագիտական տոնին ընդառաջ պարգևներ է հանձնել շինարարության ոլորտի մի խումբ ներկայացուցիչների

Արցախի Հանրապետության նախագահ Արայիկ Հարությունյանն օգոստոսի 7-ին, մասնագիտական տոնին ընդառաջ, ընդունել է շինարարության ոլորտի մի խումբ ներկայացուցիչների, այս մասին տեղեկանում ենք ԱՀ նախագահի պաշտոնական կայքից:

Երկրի ղեկավարը բարձր է գնահատել քաղաքաշինության ոլորտում ունեցած ձեռքբերումները և ընդգծել, որ դրանում մեծ է ինչպես պետական համապատասխան գերատեսչության պատասխանատուների, այնպես էլ շինարարական կազմակերպությունների աշխատակիցների ունեցած դերակատարությունը:

Իր ելույթում նախագահը նշել է, որ շինարարության ոլորտն այսօր կառավարության գերակա ուղղություններից մեկն է և համոզմունք հայտնել, որ բնագավառի աշխատակիցները կանեն հնարավորը նախանշված ծրագրերը հավուր պատշաճի իրականացնելու ուղղությամբ:
Միևնույն ժամանակ երկրի ղեկավարը վստահեցրել է ներկաներին, որ հետևողական պայքար է տարվելու ոլորտում առկա արատավոր երևույթները բացառելու ուղղությամբ: «Մեր նպատակն արդյունավետ և թափանցիկ համակարգի ստեղծումն է: Բոլոր նրանք, ովքեր շեղվեն ընտրված ճանապարհից, չեն խուսափելու օրենքի առջև պատասխանատվություն կրելուց»,- ընդգծել է Արայիկ Հարությունյանը։

Ներդրած ավանդի համար և մասնագիտական տոնի առթիվ Հանրապետության նախագահը մեդալներ և արժեքավոր նվերներ է հանձնել ԱՀ քաղաքաշինության նախարարության մի խումբ աշխատակիցների և բնագավառում ակտիվ գործունեություն իրականացնող մի շարք ընկերությունների ներկայացուցիչների:

62 total views, 1 views today

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով